世界有7大wonder，即係你見到，你會覺得好wonderful 的物件，點解你覺得金字搭咁wonder, 因為你好難想像，4500 年前有人可以起到147呎咁高的建築物，(萬里長城不是7大wonder, 原因是把一些平凡事做一萬次從不會令人驚奇）而這個最高建築物紀錄，保持了3800 年。
既然物件都有wonderful, 人生當然也有一些會驚奇的東西吧 ,雖然我這人生不算長，經歷也不算多， 但總有一些事係令人好驚又好奇，首選就是為什麼作為講廣東話的父母,會和自己的小孩子講英文, 要留意他們和仔女講英文並不是玩遊戲嗰隻,是玩認真去貨真價實地講英文。 每次我都搔晒頭, 呢個係乜嘢的現象?
人要充滿好奇，社會先會進步，我很喜歡觀察著這行為，試著代入他們的角度嘗試去理解這動機，語言某程度是用來溝通，做到言簡意賅固然最好, 就算講嘢講到一嚿嚿， at least 都要做到通情達理。要做到這兩件事情，在我來説一定是用廣東話，講屌那媽點都powerful 過講 the mother fucker。既然講英文大家都辛苦，咁點解仲要做？
想啲仔女英文好有好多原因。ok, 先不論這種土法煉鋼式去學英文效果有幾大，咁究竟點解要英文好？因為很多父母會認為學好英文，考好大學，揾份好工就是加入人生勝利組的開始.... Well, 以前嗰代可能work, 不竟由上世紀開始，大英帝國真係威力無窮，食住工業革命的優勢，到處佔領到處殖民，佔領香港時，就訓練識講英文的高級華人，當年唔識英文註定捱窮。
之後由英國統治到獨立的美國，也發力保住英語覇權的威力，再加上今天不能或缺的internet 是用英語主導。另外，幾乎所有你和我都喜歡的品牌都是來自英語國家，當然你喜歡 「New Balun」多過 「New Balance 」那就另計吧，所以講到尾識英文一定是冇得輸。但我想舉手想問的是，把苦練英文等於是成功方程式的重要成份，究竟在未來還行不行得通？
待續
mark kong
2017/09/14
Thinkaholic.hk © 2024